維港會：疑「無證」大媽揸的士 唔識路亂兜仲趕網民落車

市民搭的士大多都是趕時間，有網民就投訴，遇上一個無展示司機證、唔識路亂兜又兇神惡煞嘅中年女司機，如此不幸令網民心慌慌。

網民‎C M Adam Tang‎ 在Facebook群組「發帖到 小心駕駛(討論別人駕駛態度)」投訴，早上趕時間登上的士，但該名操内地口音的中年女司機，「連灣仔去天后都唔識，錯過兩個轉彎路口，又無（唔開）導航」。網民更不滿，司機「在詢問下又拒絕提供的士司機證，聲稱話係自己部車出黎揸，結果我追問其司機證時仲趕乘客落車」。

網民聲稱，因趕時間已下車上另一的士，後悔無即時報警，並展示一張交通諮詢委員會交通投訴組的網站截圖。有網民就留言，稱「見到女司機仲上車」、「車牌都唔知有冇」，也有人認為事主應該報警，「如果有時間其實應該要即刻報警，等去拉人及扣車⋯」。

運輸署規定，的士及公共小巴業界，司機在提供服務時，必須按規定在的士或公共小巴車廂內展示司機證，違者可被罰款2,000元。

一般報考的士駕駛考試的人士只需筆試及格，無須參加任何路試，即可申領簽發的士駕駛執照。的士筆試旨在確保的士司機不僅能安全及有效地駕駛車輛，更要熟悉香港的街道和地方，以及與的士司機工作有關的法例。