維港會：搭輕鐵被推BB車婦人叫「行出嚟啦」 網民公審：有特權？

有輕鐵乘客疑不滿企位被BB車佔據，於是拍照上載社交網站公審，惟反遭網民斥責涼薄。

該名網民在社交網站Facebook群組「元朗吹水區」上載相片，留言指：「請問輕鐵車內，係咪有劃分專用位俾BB車停泊？」更Hashtag「#係咪有bb車可以趕走企緊嘅所有人？」、「#真心請教」、「#求教導」。而根據照片可見，有兩輛bb車停泊在輪椅位。

帖文引起不少網民留言，有網民指該位置是輪椅及BB車優先使用，亦有人斥責發帖者拍照公審做法涼薄，「其實一個媽媽推住個BB已經好辛苦，一個人搬上落樓梯，上到車又怕撞到人又怕整親個BB，希望唔好咁涼薄。我明白樓主係『真心請教』，但係有啲嘢其實只要代自己入去人哋處境諗一諗，其實唔使請教人。」、「其實我日日都要1拖2搭輕鐵，細嗰個得3個月大，坐已經無人讓，想企個安全啲嘅位啫，都好似係錯咁，生BB係原罪？ 揹又錯，推BB車又錯，出街都係錯？」。

發帖者事後留言回應網民的意見，指「真係好多謝大家咁踴躍留言！事實係我同一個50至60歲阿叔一齊企，有個阿姐入嚟，就用手示意我哋，我哋兩個根本就冇留意到，佢就好冇禮貌咁講咗句『行出嚟啦』，我由頭到尾都只係想知究竟係咪BB車可以凌駕於所有嘢？可以有特權？佢現有位，就算有足夠空間都一定要鏟到最入？我真係唔知邊一句觸動大家情緒得咁緊要」。