維港會：街頭執萬元路不拾遺 熱心網民搵失主獲讚好心好報

路不拾遺值得大讚！今早Facebook「將軍澳群組」有網民稱執到一個內有過萬元嘅銀包，並貼出兩張相，一張相見到銀包內有多張千元鈔票，另一張就係失主嘅身份證，希望網民們幫手搵失主。

原本該網民想借網絡呼籲失主與佢聯絡，但其他網民認為最好交予警署，以免好心做壞事，同時又指警署可以查到失主資料，聯絡失主到警署領取失物，事主最後將銀包交予警員處理。不少網民大讚他路不拾遺「好心有好報」、「今年肯定有運行」。

根據本港法例，如任何人不誠實地挪佔屬於另一人的財產，意圖永久地剝奪該另一人的財產，即屬犯盜竊罪。任何人犯盜竊罪，循公訴程序定罪後，可處監禁10年。