新城獎座被扔橋底得獎歌手紛澄清成羅生門

2019-02-08 11:43

新城DJ Colin在Instagram上載一張相，指昨於北角渣華道橋底發現一個2013年勁爆躍進歌手獎，同放在一堆鞋當垃圾，翻查當年得獎嘅歌手，分別有羅力威、連詩雅、龍小菌、蔚雨芯和吳彤，究竟呢個獎係屬於邊個？

有網民留言叫5位得獎者拎住個獎自拍，邊個未有自拍，邊個就係個獎嘅主人，眾得獎歌手先後回應。吳彤於Fb指：「如果要掉，喺過加拿大之前就掉咗」。龍小菌於ig發一張與歌手獎的自拍照，力證自己沒有扔獎。而羅力威則於Ig回應：「就算我真係有扔個獎，都一定唔會出現係港島區。我住在九龍」，其太太雨僑亦留言指：「拿我斷捨離掉自己啲嘢咋..唔關我事呀」。而蔚雨芯和連詩雅都留言指自己的獎全部都放在公司。

事件引起網民熱議，有網民指支持斷捨離的羅力威的公司正位於北角，而指他的回應並沒有直接解釋有沒有把獎扔去。亦有網民笑指可能是道具，或是新城多造的後備獎座。