維港會：維園年宵檔疑桶蠔扮北海道生蠔 連登仔：死蠔扮新鮮好核凸

即將踏入豬年，不少人均會到年宵市場行逛，買年花豬仔產品之餘，均會到熟食檔「醫下肚」。近日有網民發現維園一個年宵攤位，聲稱賣「北海道生蠔」，但卻見有職員明目張膽將桶內的蠔肉逐一放入殼，扮新鮮蠔來烤，引發網民熱議。

該名網民「拖羅仔」在連登發文「維園年宵新鮮(入殻)北海道生蠔」，指在維園行花市時，路經一檔以簡體字標明「北海道生蠔」的攤位。好奇一睇，發現旁邊放有一桶用水浸住的蠔肉，其中一名穿紅衫的職員，疑逐一將蠔肉撈出，並放於蠔殼內，再燒烤出售。

不少網友均感驚訝，更指「唔係呀，塞番啲死蠔入殼扮新鮮，好核凸呀」、「見到張poster 都唔開胃」。有人更笑言「啲殼定啲肉係北海道先」、「(檔主)真係賺到笑」。有網民更表示，不明白為何還有人會買來食，「睇相都聞到陣臭味啦」。