女兒父親患癌觸動大埔友送祝福 事主感激：會將你哋嘅加油變成我嘅動力

有網民昨在facebook群組訴苦，指12歲囡囡去年確診患上淋巴癌後，仍未痊愈；近日再獲悉父親確診肺癌，將要入院治療，精神大受打擊，結果引來數千網民留言，送上祝福。事主今再發帖感謝網民鼓勵，直言「完全無諗過會咁大迴響」，「會將你哋嘅加油變成我嘅動力」，強調自己發帖並非需要經濟援助，但慨嘆在女兒住院期間，目睹無數小朋友被癌魔折磨，呼籲大眾若想幫助患病小朋友，可捐款予兒童癌症基金。

網民Tung Ng‎ 昨fb群組「Tai Po 大埔」發帖指，其女兒去年確診患上淋巴癌，經過多次代療、電療等後，腫瘤仍然存在，而且康復機會只有4成。但低處未算低，樓主前晚再接到父親患上肺癌消息，心感難過，「點解個女未病完又要到老豆病，成個人都精神崩潰了」。

帖文隨即獲過千網民「讚好」鼓勵，並留言送上溫福送暖，為事主打氣度難關。Tung Ng‎今晨再發帖，感謝網民們的留言，「雖然短時間內有幾千個留言，但我全部都有睇到！非常多謝，事前完全無諗過會咁大迴響，單純個心想搵個地方呻下就打咗出嚟」。她說，女兒一直好堅強，經過多次辛苦治療，大部分時間仍笑着面對；共父親則在日前收到轉介信，未約見腫瘤科醫生，暫時未知實際情況。

Tung Ng‎表示，接獲不少網民慰問會否有經濟上困難，她說，「出po並唔係需要任何金錢援助，只係希望你哋簡單講一句加油，我已經好開心。我會將你哋嘅加油變成我嘅動力。唔開心嘅時候會諗起一眾大埔街坊嘅鼓勵。」