5影后星光大道打手印 毛姐「唔想個位」喺君如隔離

香港著名景點尖沙咀星光大道明日正式重開，為隆重其事，大會邀請到5位影后，包括羅蘭、鄭裕玲、毛舜筠、吳君如及葉童擔任開幕嘉寶。5位影后更即場進行打手印儀式，為星光大道再添星光。
經過眾嘉賓致詞後，名影后包括羅蘭、鄭裕玲、毛舜筠、吳后如及葉童一同進行打手印儀式。完成後，羅蘭姐作了簡單致詞及感言後，其餘4位影后紛紛表示羅蘭姐已代表她們。此事，吳君如笑說：「我有嘢問！頭先毛姐問我哋第時個位喺邊？希望辦事人可唔可以話我地知。」毛姐接說：「我唔想個位喺君如隔離，哈哈！」即時全場爆笑。

鄭裕玲（Do姐）跟吳君如接受訪問，她們對於自己手印被列入星光大道感到非常榮幸。Do姐提到跟其他影后都有合作過，不禁想起當年香港電影光輝年代的辛酸史，更希望香港電影再次光輝起來。君如說：「有時深夜睇返啲老港產片，見到一啲合作過嘅演員都會眼濕濕。」
君如提到電影圈現有一股新浪潮，而自己亦是其中之一個導演，透露正籌備開拍新電影。Do姐說：「乜你都係咩？」君如笑說：「你有無搞錯啊！Do姐好犀利，之前搵佢客串，佢3秒鐘就KO我。Do姐咁好戲，我替觀眾感到可惜。」君如繼續誠邀Do姐重返影圈，Do姐笑說：「睇妳拍咗啲咩出嚟先講啦。」