張家輝劉青雲行年宵市場 感受過年氣氛

劉青雲、張家輝和林嘉欣現身維園年宵市場為英皇賀歲片《廉政風雲 煙幕》宣傳，劉青雲表示本身有行年宵，通常下午時間靜悄悄行，但無去過維園年宵市場，兒時也會跟爸爸行年宵，都會買吹氣膠公仔同玩具，爸爸則會買花。他說：「之前屋企都會擺放桃花，但呢幾年無擺。（桃花太旺？）擺唔落。」
家輝則謂年青時去行宵，因為喜歡有新年氣氛，不過好少購物，大多會吃魚旦同豬皮感覺好似過節，但維園年宵未去過，本身是居住九龍區。林嘉欣坦言以前居住銅鑼灣，但有十幾年未有行過年宵，亦沒有帶女兒去。

最近馬不停蹄為該片宣傳的張家輝，透露明日出發到蘇州宣傳，更認為辛苦過開部戲。他說：「好多時一部戲10組、8組，但宣傳20、30組。」談到該片題材嚴肅，問到可會信心撼贏與其他賀歲片對方手？家輝說：「咁先正！有個性又有內涵，新年不一定搞笑，可以睇部正正經經講戲，都是一個好的選擇，不一定新年紅噹噹搞笑。」談到可會入場欣賞其他的賀歲片，家輝表示有時間也睇，那一部電影有門票就會去睇那一部戲。
對於可會為該片而喬裝入場視察觀眾反應，張家輝表示會跟太太關詠荷及女兒入場睇。劉青雲笑言入場睇並非為視察反應，反而為了陪伴太太郭藹明。林嘉欣坦言今年終於可帶同女兒入場睇，因為之前拍喊戲，所以擔心女兒入場睇到大叫媽咪會覺得心痛，不過有份聲演的卡通片就有帶過女兒入場欣賞。
提到對該片票房成績可有信心，家輝說：「自己部戲大家做得咁辛苦，唔通未出來見人就話自己輸咩！況且新年睇戲人次咁多，大家都好啦！」林嘉欣認為作為電影一份子，希望每部電影有好成績，票房好才會陸續有好電影。劉青雲直言有信心，獨樂不如眾樂，大家有好成績就開心。