粉嶺老婦疑用遮篤毛孩眼 狗主拍片喝停

有狗主在社交平台表示，目擊一名老婦路過粉嶺一店鋪時，疑似用雨傘插狗狗眼睛，被狗主叫停。
影片被上傳到Facebook群組「North District 北區」，據指事發於粉嶺聯和墟一間店鋪前，狗狗當時在鋪好的狗窩上休息，一位滿頭白髮婆婆手持雨傘靠近，更以雨傘戳了毛孩身下的毛毯。
片中狗主舉機拍片，對該名婆婆喝道「篤佢呀，插佢對眼呀！我錄影緊呀，大力啲插落去。今朝又話插佢眼嘅，而家唔插喇？」該名婆婆回頭看了狗主幾眼，然後離開。
有網民看後留言指這婆婆有「前科」，「 又係呢個阿婆」、「呢個婆婆喺聯和墟出晒名架！媽媽們帶住小朋友見到佢一定要兜路走唔好經過佢身邊」。片段傳出後引來網民討論，事後狗主回應指「唔好意思，其實我最初真係好嬲，過咗幾個鐘下咗火氣，又可憐個婆婆，如果佢家人得閒照顧佢就唔會發生呢啲事，好多謝大家，好對不起賓仔，我照顧賓仔唔好」