維港會：離婚使唔使派利是？ 網民拗餐飽

農曆新年又快到，單身人士最開心，因為又可以收利是。不過離咗婚使唔使派利是？呢個問題好似好簡單，但有網民表示要，亦有人話唔使。Facebook群組「巴打絲打 Facebook Club」上，有網民問：「認真想問下，離咗婚仲使唔使派利是㗎？」。

唔明當然要問，因為新年派唔派利是，係一個好重要嘅事。不過大多網民都批評樓主無常識，話派單封利是，有啲網民就反問：「你唔係想收返人哋利是呀？」；不過亦網民表示，派唔派隨心「睇你當唔當自己曾經有結過」，仲話「有人結咗婚都唔派啦！」，認為「禮多人不怪」，有網民話佢就有個朋友離咗婚，試過問返佢拎利是：「有個舊同事，有年新年出黎食飯聚舊，面皮厚到講自己啱啱離婚，問我地結咗婚既逗利是，心諗男人之中，你都算極品，跌廿蚊當俾乞兒」。