維港會：疑被兒子激親 港媽失手飛垃圾落天橋

觀塘有媽媽疑因被兒子激怒，憤而將大袋垃圾拋下天橋，垃圾飛到行車路上，事後更不顧而去，被目擊者大鬧無公德心。

網民Christy Ngai在facebook群組「小心駕駛（討論別人駕駛態度）」發文指，於前晚目擊一名操普通話口音的媽媽，將一袋垃圾拋下天橋，垃圾直飛落觀塘道。她指，該名媽媽原本想將垃圾掉進垃圾桶，但一時失手，「個媽行到我側邊好瀟灑咁一手掉咗袋嘢，原本就想掉落垃圾桶嘅，點知袋嘢就好淒涼咁係橋上飛咗落觀塘道」。

Christy又指，該名媽媽看到垃圾飛下天橋後，一臉驚訝，「個媽呆左咁望住，用煲冬瓜問我地『吓？雕沙署啦？』 」，而Christy的同行同事就大鬧該名媽媽沒有公德心，「我同事狂鬧佢無公德心，你咁樣掉落去陣間有交通意外呀」，但對方不以為然，竟然一邊走開，一邊鬧兒子，更「一個反手星咗兩把」。

發文者回應網民時提到，兒子可能惹怒了媽媽，「所以個媽諗住扮嬲扮型掉左袋野，點知又真係比佢型出界」