黃美棋自詡慳家較鬧鐘睇早場 翟威廉樂做浪子唔急拍拖

黃美棋、翟威廉、周奕瑋等出席明珠台《第91屆奧斯卡》提名日記者會，美棋BB希望《Green Book（港譯：綠簿旅友）》有份提名，「每年奧斯卡都有種族爭議，恰巧這套戲就是講黑人音樂家與白人司機的友情故事，很特別。」她表示與男友鍾健威經常拍拖睇戲，有時一星期睇幾套，更自詡是「慳家情侶」，會較定鬧鐘睇早場。她說：「我以前喜歡睇超級英雄或飛車的電影，覺得睇戲睇到喊好怪，但之後受男友感染才愛上看言情電影，他試過捉我睇《Before Sunrise》三部曲，但我喊時即被他取笑。」
翟威廉睇好由樂壇天后Lady Gaga主演的《A Star is Born（港譯：星夢情深）》，但在台上卻讀錯片名，笑爆全場！他自誇有不少女生約睇戲，只是他無暇應約，因為又要拍劇，又要做直播唱歌及打機。談到前度陳庭欣已有新戀情，威廉說：「我不心急拍拖喎，繼續做浪子先啦！若女生識打機會有更多共同話題，若識唱歌就可以帶她回家…幫手做直播！」（攝影：鄧國良）