吳鎮宇袁詠儀久沒合作互窒鬥可愛

吳鎮宇、袁詠儀（靚靚）、張達明等在廣州出席新戲《家和萬事驚》發佈會，大會更為缺席的古天樂準備人形紙板，齊齊影大合照。眾人在台上分享煩惱事，鎮宇笑靚靚最大的煩惱是屋企太大，去廁所都要截的士；靚靚則笑謂家中只有高爾夫球車，不是的士。
玩遊戲時，鎮宇又整蠱靚靚，表現鬼馬。二人影合照時大鬥擺出可愛甫士，十分搞笑，他們都表示很久沒合作，靚靚指鎮宇經常和老公張智霖合作，所以常去探班；鎮宇即笑靚靚是乘機去看他。
農曆新年將至，靚靚表示會放假到外地旅行，但不肯透露地點，免得講完更多人去。鎮宇則表示有部戲可能要跨年拍攝，所以之前會放假休息。靚靚聞言笑問鎮宇新年開工會否有雙糧？鎮宇即抵死說：「我支持香港電影圈，一定要三工，香港是比較重視節日，反而在內地拍戲，因為他們是月薪計，如果在節日開工不會有雙工或三工。」（攝影：張家宜）