【趣趣哋】小新同小葵結婚？ 網民震驚：連個妹都唔放過
2019-01-13 14:30 
日本動畫《蠟筆小新》相信唔少網民細細個就睇過，估唔到年年都5歲嘅小新終於結婚，個新娘子仲要係小葵？
有網民Alexander Chan在Facebook群組「馬路的事討論區」發相，係一架結婚花車車頭，見到5歲小新同2歲妹妹小葵一對公仔，引起大批網民「震驚」。網民就話喇「小新：小葵係你個妹嚟嫁！」，「自己個妹都唔放過 ……」，「亂倫情節」。
對於「近親通婚」之說，都有網民認為小問題，「 咩呀？ 您見過麥兜同麥太擺車頭未呀？」，「花仔花女啫， 麥兜麥嘜係男仔𠻹」，「而家好多新一代嘅人諗嘢，只會諗概念，唔會諗細節」。有小新粉絲就反而關心， 「娜娜子姐姐呢」。
關鍵字
最新回應