維港會：男友投稿指睇燈飾嘥電被黑面 黃錦星被指投稿爆笑否認

星星局長無處不在，也無處不慳。有網民在Faceook投稿，指與女友睇燈飾時，指燈飾雖美但嘥電，被網民笑指不浪漫，更質疑投稿人是環境局局長黃錦星，出名以身作則的黃錦星亦亂入留言，爆笑否認投稿，引起網民討論。

網民葵盛圍劉夢熊在Facebook專頁「十萬個激嬲女友的理由」投稿，指「同女友去睇燈飾，女友：『喲燈飾好靚呀！』我望下喲燈飾，再望住佢講：『雖然喲燈飾靚，但係都…』女友含羞答答咁等我講埋落去我：『但係都真係好嘥電！』
然後，佢黑咗我面。」

星星局長驚喜留言大表認同燈飾嘥電，指「浪漫同浪費，一念之差」，更否認是投稿人。「大嘥鬼」亦留言： 「.......其實我都好明。」見到局長偕「大嘥鬼」現身留言，網民都深感興奮，形容「星星無處不在」。