【驅鬼非禮母女】控方質疑被告為觀音像開光 女事主仍有邪靈入侵

驅妖道士涉嫌為一對母女「作法」採玄珠時搓胸撩陰並在驅邪靈時打其至口吐綠汁，道士否認非禮等八罪，今於區域法院繼續接受控方盤問。道士指天界有陰兵負責監察他，陰兵又會稟告天界他有否做壞事，所以「唔可以亂黎，如果唔係，上面唔會俾咁多法力我」。
56歲被告袁銘權稱在首次作法前曾燒黃紙稟告其師尊金身羅漢，內容指他為女事主採玄珠時必定會觸碰到其下體，但及後作法並沒有再燒黃紙稟告。他解釋說：「大家當對方係朋友，幫朋友回復返體能咋嘛，我幫你，你幫我，計到咁盡嘅話無野講㗎喎」。袁辯解說：「嗰時事態緊急，手上無黃紙」，更說：「我同其他人都講過，救人係重要過一切嘅！」。
袁續指自己答應觀音娘娘會盡量幫女事主，亦「唔收咁多錢」。自稱有特異功能的袁又指自己平時會施展法力至病人的飲用水及藥物上，「會比正常醫療快啲」。控方質疑袁曾稱自己已為女事主家中的觀音菩薩像開光鎮宅，但竟仍讓女事主被邪靈入侵時，袁解釋說：「修為強嘅話係可以突破（觀音菩薩）嘅」。
記者 劉曉曦