撇低仔女賺外快 陳茵媺：阿Mo湊小朋友好上手

陳茵媺（Aimee）跟蔣怡為護膚品牌擔任嘉賓。活動以白色為主題，陳茵媺的開胸西裝打扮性感搶鏡，她笑笑說：「健康性感啦，今日想型啲。」

談到暫時放低3個小朋友賺外快，陳茵媺透露今日湊小朋友就交由丈夫陳豪負責，她笑說：「阿Mo都好上手，我做到嘅佢都做到，咁當然無我做得咁好啦，哈哈！」她坦言會跟陳豪爭著湊小朋友，情況就像比賽一樣。此外，早前他們一家五口做了一張年曆，她透露拍攝時間需時，最終成功拍到全家望鏡頭，禁不住拍手歡呼。她透露最近忙於製作2018年 Family Book，希望往後全家都有完整的快樂回憶。

此外，談到無綫可有邀請她回巢拍劇，陳茵媺坦言一直都有跟無綫接洽，但現時都以家庭為先。她說：「我都好掛住拍劇架。老實講無確實計劃，依家都係見步行步。暫時電影同出活動嘅時間比較易遷就。」