四哥嫌兒子醜 謝霆鋒：似你囉

謝霆鋒的節目《鋒味》第五集早前於順德拍攝，霆鋒透過炮製美食回饋當地著名的「順德自梳女」。他為求做出經典又簡單的廣東味道，特別請來爸爸謝賢（四哥）及契媽汪明荃（阿姐）遠道前往助陣。當霆鋒為爸爸和契媽「煮飯仔」期間，兩父子不時互窒對方，場面爆笑。

席間四哥和汪阿姐講起當年二人合拍劇集《千王之王》時，適逢霆鋒出世，四哥憶述當時接到電話後，立刻除低戲服撲往醫院，坦言當日心情好奇又激動。他笑言第一眼見到霆鋒時竟然衝口而出：「咁醜嘅！」在旁聽爸爸講「故仔」的霆鋒不甘示弱地回應：「似你囉！」霆鋒又爆四哥為有型戴黑超，其實甚麼都看不到，四哥即謂：「我係唔想睇到你……」

此外，霆鋒亦與節目中另一位嘉賓、內地著名演員張一山食勻正宗順德美食，包括順德名菜陳村粉。之後二人去廚師學校練習拋鑊，挑戰一分鐘拋120次，又去農場徒手捉雞，霆鋒使出渾身解數「一堵，二攔，三扣」終於捉到雞，笑料百出。