郭偉亮同老婆神秘飛美國探媽媽 3年無見超驚喜

郭偉亮（Eric Kwok）加上美國，你會否聯想起《鐵甲奇俠》（Iron Man）？今年聖誕港版Iron Man就聯同老婆葉佩雯（Grace）就執行秘密任務，到美國加州探望睽違3年的媽媽。郭偉亮都好有心思，見面前還特意佯裝在香港與媽媽通話，要給她一個驚喜。

Eric與Grace原來在餐廳門外與媽媽通話，收線後馬上走入去，還裝作侍應想幫佢落單。媽媽回頭一望見到係仔仔先驚後喜，眼定定兼拍心口反應唔來，下一秒便笑逐顏開、哈哈大笑，與仔仔有講有笑。最重要當然是與仔仔及新抱來個愛的擁抱啦！

媽媽又問到他此行住處，Eric早有預謀：「係你度囉！」一家人一起住先開心嘛！