維港會：的哥少收5毫車費 「貴客」表明玩嘢俾金牛要找錢

不少乘客或遇過的士濫收車資問題，但有的哥收少5毫都有問題？有的士司機在社交平台發文，稱乘客到達目的地時支付的車資欠5毫，更爆粗話「唔使找」，的哥神回「我豪俾你，收少你五毫子」。疑對方因此老羞成怒「玩嘢」，取出一張金牛，堅持要俾足車資，最終的哥取出一大疊十蚊、廿蚊紙找給該乘客。
自稱為的士司機的Alex在「的士司機資訊網」群組發文，指昨日遇到一名聲稱趕時間的「貴客」，未料對方又嫌開快，以粗口問候「你揸飛機呀？」
到達目的地時車費合共105.5元，該乘客疑不滿開車太快，拿出105元支付，更說「唔X使你找喇！」Alex即表明是自己少收了5毫，對方即取出一張1000元要求找續，聲言罷明「玩嘢」。
Alex本著大家方便原則，再一次說「算啦5毫子」，惟對方拒絕。Alex無奈下取出一疊十蚊、廿蚊「鎮山之寶」找給對方。「終於佢黑曬面扁曬嘴，捧住九百幾蚊廿蚊紙落車。可惜我疊鎮山之寶祗剩一千多少少！」
不少人對帖文投下逾300個笑哈哈、逾800個讚好，有人認為對方是自取其辱「面就人家俾，架就自己丟」，「真係有咁痴線野蠻嘅客？」