鐵騎單車徑上飛馳惹熱議 網民諷有路權

單車友在馬路上行使十分普遍，但近日有網民拍攝到，竟有電單車公然在單車徑上飛馳，結果惹來熱議。不少網民認為鐵騎士應自律，亦有人嘲諷指鐵騎士見單車友「都大大聲話有路權，咁單車徑都應該行得囉」。

有網民在facebook群組「香港鐵騎館（吹水區）」上載片段，可見一名一身黑衣的鐵騎士駕駛電單車，在屯門龍門居附近一條單車徑上行駛，當時未見單車徑有其他使用者，但遠處有不少路人。發帖者稱，「師兄，單車徑超過100米畀你行足，但係之後仲有100米先到馬路喎」。

不少網民都批評「離譜咗啲喎」、「好心啲人自律啲」、「唔好影衰其他揸26（意指電單車）嘅師兄師姐。好嗎？？落車推啦」，但亦有目擊者留言表示：「你哋唔好成日針對26啦，佢已經開到慢過流浪狗行了！又識得靠左行！又好安全！單車友咪又一樣踩馬路。」