直認赴美做試管嬰兒 鍾麗緹：唔會畀自己懷孕限期

鍾麗緹（Christy）以敦煌仙女造型行騷，她表示只演出過一次古裝劇，但好喜歡著古裝同旗袍，好少機會著古裝。她稱早前有機會拍古裝，但沒有緣份，因為注重劇本不想做花瓶角色，希望將來能夠演繹有發揮的角色，自覺最適合演動作戲。
Christy與前兩任丈夫育有3名女兒，跟內地男藝人張倫碩再婚後，坦言想再懷孕做媽媽。她說：「結婚後想有自己的BB是好正常，我好鍾意小朋友。（追生男B？）仔女都好，最重要健康。」提到有指她赴美國做試管嬰兒，她直認不諱，說：「唔係人哋所講要打100支針又要做好多次，我係比較自然情況，要調理身體，然後抽出卵子。但依家未去到這個情況，等卵子好健康先抽出來，其實去3個地方做，分別內地、台灣，美國去咗一次，依家最緊要有緣份。」她指現時要吃得健康和進補，加上做運動，按摩放鬆心情，亦不會給自己懷孕期限，免增添壓力。對於有網民以文章「哭著向丈夫承諾會盡快生孩子」，令老公張倫碩嬲爆，Christy稱涉事者未有跟她做訪問就亂寫。（攝影：鄺芷瑩）