缺德住戶扔廚餘出街 樓下連中兩獎勁憤怒

隨地扔垃圾乞人憎，高空擲物更有可能傷到他人。有居住在觀塘屋邨的住戶，便飽受樓上缺德住戶的騷擾，兩日內屋外的晾衣架都掛着廚餘垃圾，在忍無可忍之下在社交網站大呻。

發文者Emily與丈夫居於觀塘彩盈邨，近日他們不斷受樓上扔下廚餘垃圾困擾。她先於本月2日在「巴打絲打」上傳照片，指晾衣架有2袋廚餘，表示自己已經不敢將衣服晾出屋外，「你屋企無垃圾桶架（㗎）？」即獲不少網民關注，認為事主要通知保安等處理。

未料昨日Emily再發現晾衣架有一袋食物殘渣，問題嚴重，令她發火地指「今日又一袋。。想點Ｘ樣呀？」有網民見狀開玩笑指「係咪得罪人」，Emily則指今次更送魚骨「掉袋錢落黎。。會唔會好D（啲）」。

不少網民教路指事主應該自行安裝閉路電視鏡頭，並應立即向保安報告事件。Emily指已通知管理處主任上樓影相、拆走晾衣架，更找了區議員跟進事件。

照片來源：Emily Lo‎