村屋住客着鞋頂趾驚見青蛙大呼嘔心 網民勸畀機會冬眠

「大埔生物頻道」又有趣怪事！有村屋女住客發帖指，穿鞋時感到有東西頂腳，一看下竟發現有青蛙在鞋內，「未死，仲識郁」，形容「好嘔心」，並指已首次發現鞋內有青蛙。有網民提議樓主讓青蛙留在鞋內冬眠，「下年先着唔遲」，另有不少大埔街坊分享類似經驗，指有蜈蚣走入鞋內，另有網民甚至遇過虎頭蜂匿藏襪子裏，結果一穿着被針腳趾。

有網民在facebook群組「Tai Po大埔」分享照片，指「又有青蛙入咗波鞋，仲要隻腳着咗入去頂到佢先發現」，而且「唔肯出返黎嚟」。她憶述，當時「隔住襪篤咗一下」，感覺「比棉花糖實啲」。樓主又說，今次已是第二次有青蛙走入鞋內，「趕走過一次，佢又返返嚟」，直言感到好嘔心。

照片所見，青蛙躲藏在白色波鞋鞋頭位置，閉上雙眼，似乎不願離開「新居」。帖文在網上掀起熱議，有網民關心青蛙死活，樓主則留言回覆指，青蛙「未死，仲識郁」，並指事發前一天才穿過該對鞋，「無諗過咁快被佢佔據咗」。

有網民開玩笑，着樓主「比個機會人哋冬眠啦，下年先着唔遲」、「臭臭哋暖暖哋又夠暗，今個聖誕喺度過先」。另有笑指可能是青蛙王子，「你試下錫佢一啖」、「佢未講Shall We Dance你就一腳伸埋去」。有街坊就教樓主，可以試將鞋子打直放，或放紙球入鞋內，避免再有生物走入。