聖誕送心穎戒指？馬國明嫌貴：嚴重咗少少

馬國明出席遊戲機活動，他表示兒時有打遊戲機，長大後要工作就少玩，有時見到姨甥仔玩都會睇，更認為現今的電子遊戲效果好，感覺似去了另一世界，但未試過跟女友黃心穎一起打機。
馬明更主動澄清日前接受訪問指參與《萬千星輝頒獎禮》覺得自己似領跑員，並非意思指帶領大家，只是享受過程，對得獎與否無所謂。他說：「我唔係話佢地好渣，驚袁偉豪唔開心，但同佢好熟，亦是我好欣賞的演員。」提到聖誕節，他希望賺多點，不過現時拍攝網劇《飛虎之雷霆極戰》 ，其後參演《降魔的2》，並會原班人馬演出，亦會加入新角色，「石敢當」將以另一身份出現，故為了拍攝沒有時間去旅行。
談到會冷落女友黃心穎？馬明說：「佢都有劇拍。（會否情侶檔賺真銀？）希望有，搵多啲。」他又指正物色聖誕禮物給女友，但覺得好難揀。當提議不如送戒指？他說：「好貴呀！嚴重咗少少。（想賺幾多先求婚？）timing問題，未傾到呢啲，下次你哋問心穎。」（攝影：鄺芷瑩）