維港會:台選老不敵嫰 九西又如何？

港台呢兩日都有選舉，而且選前氣氛都好熱烈。昨日先有台灣九合一選舉落幕，民進黨大敗，最受人關注的台北選舉，結果與民進黨分道揚鑣的柯文哲險勝對手連任，令綠營名義上失去呢個重鎮，更慘係曾經做過行政院長的民進黨元老蘇貞昌，在新北市市長選舉中輸28萬多票俾國民黨候選人侯友宜。Kelly問一啲對政情有研究嘅姐妹，佢哋答案好簡單，就係「老不如嫰、男不如女」的選舉現象。
姐妹話，重量級的蘇貞昌現年已71歲，對手國民黨侯友宜現年61歲，比蘇貞昌年輕，侯友宜過去做警察出身，曾任警政署署長，在2010年開始出任新北市副市長，是選舉新人類，應了老不如嫰的說法。
香港今天進行九龍西補選。形勢係由親建制的陳凱欣，對由非建制派脫離出來的馮檢基，與及非建制派的李卓人。馮檢基聲稱自己仲有機會勝出，似乎想做九西的柯文哲。不過，政界焦點始終放係陳凱欣對李卓人，咁香港會唔會一樣出現老不如嫰，重複新北市戰果？好快就會揭盅。
九西其他候選人有伍廸希、曾麗文。