維港會：前「一哥」曾偉雄落區幫陳凱欣拉票 黃之鋒：街坊問那位是否馮檢基

九龍西立法會補選將於周日（25日）舉行，距離投票仲有3日，5名候選人密鑼緊鼓落區拉票。香港眾志黃之鋒今日一早落區為民主派代表、工黨李卓人拉票。他在facebook發文話撞正陳凱欣同田北辰，仲「偶遇」久未露面的警務處前處長曾偉雄，在場為另一候選人陳凱欣拉票。之鋒笑指「當年被佢拉左咁多次，終於見到佢真人」。

黃之鋒在facebook上載拉票時的照片，見到曾偉雄站在黃之鋒旁邊，不時各街坊派發陳凱欣的宣傳單張，之後又拿著代表陳凱欣候選號碼的「5」字牌。黃之鋒說，「估唔到，連前警務處處長曾偉雄都落左嚟……睇嚟佢（曾偉雄）唔係好慣拉票，啲面部表情都有啲生硬」，更指有街坊問他「嗰個係咪馮檢基（另一候選人）」，仲話可能是髮型相似。 九西補選其他候選人包括伍廸希及曾麗文。