運房局副局蘇偉文客串「三隧分流」宣傳片 半日獲近百嬲嬲

三隧分流的建議爭議不斷，運房局昨日便在社交專頁「軟銷」建議，副局蘇偉文更在宣傳片以茶客身分粉墨登場，指建議除了紓緩隧道塞車問題，對香港的空氣亦有貢獻。不過一眾網民對宣傳片並不受落，半日已經吸近百個嬲嬲，有人甚至留言斥「其實諗得太過天真！」  

政府提出三隧分流建議，日後西隧將會減價，而紅隧、東隧則會加價以分流車輛，緩和交通擠塞問題。片段中，蘇副局就解釋加價後可以會令繁忙時間的過海時間減少最多13分鐘，表明若只減西隧或會令更多汽車過海，所以並不可行，又強調建議是經過科學方式計算所得。

不過網民們對建議持相反的答案，反駁無論加價與否需要過海的車仍會過海，「只減西隧會令更多車過海？你估D人貪過癮好得閒咩。都唔知咩邏輯」，「其實地鐵咁迫，不如地鐵加價」，直斥政府的行為變相在加劇通脹。

同時亦有人認為，即使西隊減價後仍未必等於使用西隧的車輛會大增，「 觀塘去柴灣經西隧」，「我住藍田想快唔行東隧，唔通平個少少去行西隧？」