終於錄第一首歌 林穎彤跑馬拉松助練氣

林穎彤（Bella）早前和歌迷慶祝其10月21的26歲生日，說：「好開心歌迷同我搞生日會，老闆何哲圖都抽空出席，度過咗一個開心嘅下午。」加盟星夢娛樂第2年的她，說：「今年有好多新嘗試新挑戰，譬如入錄音室錄歌，多謝公司畀咗好多時間我專心去錄音，始終自己係新丁，第一首歌好緊張，需要比較多嘅時間投入，不過好鍾意嗰種感覺。」
早前Bella宣佈將參加明年馬拉松10公里跑，現正努力練跑中。她說：「可能係習慣，撻着咗自己潛在嘅小宇宙，開始愛上咗做運動，每次做完運動感覺都好relax，而且感覺到對練氣唱歌好有幫助。」
Bella今年銀包腫脹，接拍了好幾個宣傳廣告，由消水丸、洗頭水、職安健、到膠原蛋白美肌飲料，近日又再同Ben Sir合作拍攝求職宣傳片，還有其他廣告在洽談中，她仍自薦好抵用！