張嘉兒孖2歲女兒拍片 分享再懷孕喜訊

2007年港姐冠軍張嘉兒與老公婚後育有一女2歲，今日她在instagram上載與囡囡扮貓咪片短，並宣佈懷有第2胎。嘉兒問囡囡：「媽咪個肚有咩？」囡囡答：「有BB！」
嘉兒還留言：「踏入11月啦。呢個月份亦都係我嘅生日月份。好想同大家分享一個喜訊就係我再一次懷孕啦。
「今次陀BB比上一次辛苦同埋攰好多，真係每日淨係想黐住張床，不過係唔可以嘅，因為我仲要照顧我個女。作吐作悶嘅次數亦都多咗，聞到有油煙味都會感到不適。
「話雖如此，我好感恩同埋好開心上天送一份咁大嘅生日禮物俾（畀）我。一諗起將來多一個小朋友會帶比（畀）我哋一家人嘅歡樂，所有辛苦都變得值得。
「有人話養兒100歲長憂99歲，計我話係長喜99至真。我依家真係好想我嘅energy快啲返嚟，等我可以計劃我嘅baby-moon. 你話我去邊好呢意大利，馬爾代夫，定日本？」