【萬聖節小哇鬼】張繼聰囡囡扮可愛女巫 梁浸浸煎蛋Look搶眼

萬聖節Trick or Treat！圈中不少星媽星爸都應節為囝囝囡囡扮鬼扮馬，各位小朋友的哇鬼裝扮驚嚇度不足，賣萌指數爆燈。張繼聰的囡囡張靖穿上小女巫衫，呆萌地拿著南爪造型袋仔，轉個頭又瞇眼露齒扮嚇人；大仔張瞻則擺出型仔甫士扮美國隊長。張繼聰就騷出一張清官扮相配上他木獨樣的照片，留言：「妺妹哥哥準備好，爸爸直頭係蓄勢待發。我呢身打扮殺落LKF，一定係#中環我至猛 #全部人借歪 #萬聖節走中國風」。

鄭希怡的囡囡梁浸浸就扮煎蛋，更拎著一碟煎蛋道具，相當可愛。楊洛婷的囡囡Tanya飾演小喪屍，見到媽媽拍片即笑晒口走向鏡頭，露出一雙小肥髀；孫慧雪為囝囝穿上比卡超連身衫，Cute到爆。