驚覺孖偶像同機 溫碧霞變身小粉絲跟細哨合照

溫碧霞（Irene）日前到南京出席電動車展商演，在搭航機途中，Irene驚喜發現偶像球星朗拿甸奴（細哨）正坐在她的後排座位，一齊乘搭同一班飛機，一向是巴西球迷的Irene開心到變了小粉絲，落機後與助手齊齊同偶像玩自拍，細哨還跟Irene來一張二人合照，女神小鳥依人，細哨笑得非常開心。
Irene大讚朗拿甸奴親切隨和，完全沒有架子，說：「從來冇諗過可以見到偶像真身，仲要咁近距離企我隔離喎，太開心啦，我哋唔只機上相遇，去到演出場地，又再遇到朗拿甸奴，哈哈！原來佢同我一齊出席同一個活動，不過大家出場時間唔同，所以冇機會同台，影到合照已經好滿足，都係唔可以太貪心。」
Irene在活動中演唱，南京粉絲超級熱情，她現身步入會場，已被在場粉絲重重包圍，演唱時場面更加熱爆，大批粉絲衝破保安防線湧到台前爭睹女神風采，Irene感謝南京粉絲支持及愛錫。