大肚搭港鐵呻冇人讓座 張名雅勞氣回應網民

前港姐冠軍張名雅在2016年結婚，育有1歲多囝囝Mario，現佗第2胎7個月，腹大便便的她昨日在社交平台呻搭港鐵沒人讓座，引起網民討論，所以張名雅再發長文回應，重申讓座是美德。

張名雅留言：「從小學校教禮讓同互助希望令社會更有愛，敬老扶弱對我來講係基本亦希望承傳給下一代，有好多人有心人會選擇讓座（而你讓座人哋拒絕你又係另一回事），但有一部分人見到老人家、小朋友或大肚婆係真係會望第二邊，時運高睇你唔到，我真係見過！」她續說：「見到人哋可能有需要但你冇選擇讓座，係唔可以話你錯，因為你絕對有權繼續坐到落車先起身。但如果需要嘅人係你親友或者自己，你會有唔同感受嗎？」

張名雅又上載在港鐵站的自拍照，表示有人留言問她為何大肚也不揸車選擇搭港鐵？藝人點解唔用司機或者搭的士？她就勞氣回應：「點解唔可以搭地鐵（港鐵）？作為港人好想出句聲，讓座給有需要嘅人不是必然，讓座是一種美德，是內涵同個人修養。」