半裸拍戲男友無反應 鄧麗欣沒限制王子演親熱鏡頭

電影《八步半喜怒哀樂》昨晚舉行首映禮，導演泰迪羅賓、監製黃百鳴、張繼聰、鄧麗欣（Stephy）、陳靜、林敏驄、蘇麗珊及邵音音等都有出席。電影由4個獨立單元組成，Stephy主演單元「哀」，談到戲中有半裸露背演出，她說：「場戲係臨時加嘅，導演話我背脊好靚想加一個，我都無乜考慮，好相信導演。」她透露拍攝時導演有清場，半裸露背亦是她暫時的底線。

問到男友邱勝翊（王子）知不知道她拍攝半裸戲？Stephy謂：「拍嘅時間未拍拖，佢睇劇照有見到。佢無乜反應，都係好反應，即係唔反對。」她稱大家都是行內人，接工作都會稍稍交代但都不會多談細節。可會介意男友拍親熱戲？她笑說：「唔會，因為我都唔想被限制，但佢拍親熱戲，我應該會選擇唔睇。」

此外，提及好友吳雨霏大爆她跟王子分不開，Stephy笑謂：「好姊妹就係要嚟出賣，哈哈！當日咁啱我哋都喺香港，所以去探佢。（佢催你生BB？）佢成日催我呢樣催我個樣㗎啦！係佢同個仔分唔開就真。」提到另一姊妹楊愛瑾（Miki）宣佈再度懷孕，她稱：「之前同佢食飯有講，佢好幸福。（Miki都生第2個，幾時到你？）等佢生第3個先，哈哈！」

另外，張繼聰、陳靜及邵音音合演單元「喜」，首次跟陳靜合作的張繼聰大讚對方非常專業，開工不時有即興點子，陳靜都樂意配合。言談間陳靜驚覺於電影界是張繼聰的前輩，即謂：「早知係咁，我諗啲嘢叫佢做啦！」她又說因患上耳水不平衡休息近1年，期間周遊列國，自覺已充滿電力，現在會向喜歡的工作再進發。