票房報捷歸功發哥 城城大讚演技毋庸置疑：呢個組合最完美

郭富城（城城）、周嘉怡、孫佳君、張建聲及張松枝為電影《無雙》現身戲院出席謝票活動，雖然城城當晚忙完巡迴演唱會排練，但不忘抽空出席。

城城表示好開心，所以手足也出來宣傳可以答謝支持的觀眾，觀眾亦睇得好開心又投入。他指該片內地票房暫時有11億3千萬，香港則邁向3千萬是好值得分享，希望他們的聲音電影公司會知道：「我哋都係求餐食啫！食一餐可以開心下、聚一聚。」城城續透露，經已答應在場的演員，有待他完成廣州演唱會後會請大家食飯，身旁的一眾演員即拍掌歡呼。

談到導演莊文強於內地宣傳時，表示獲得11億票房，當中三分之一應歸功周潤發（發哥）。城城說：「梗係啦！每個演員都有出力，但發哥係前輩，一定尊重前輩，發哥的演技毋庸置疑。近年佢少遇到真正畀佢發揮劇本。如果唔係發哥，當初我演發哥個角色，但發哥去演，我就唔會演依家個角色「李問」，呢個組合係最完美。希望票房越多，好戲有好報，未睇嘅朋友快啲睇。」