母親腎功能退化 黃秋生：都等緊㗎啦

黃秋生拍攝港台劇《火速救兵VI》，飾演消防總長的他坦言拍攝不辛苦，只是指揮戲份，覺得最辛苦穿著消防員服裝；他表示原本因家事不接拍，但被副導演的誠意打動。談到家事，他直言媽媽身體不太好，昨晚收工趕去醫院，原本未拍完，但劇組也放他離開。他說：「媽媽都好多病，都等緊㗎啦！我開埋呢兩日都無，整定㗎！（可會擔心媽媽？）驚得幾多，人生係咁樣，其實個個有啲嘢死梗。」
問到媽媽可想見孫仔？秋生說：「全部不在香港，讀書嘛！佢剩係想見我。」他說有少許擔心媽媽，媽媽經已有80多歲，只希望媽媽舒舒服服，又指媽媽腎功能退化，抖不到氣。至於早前他到澳洲拜祭爸爸，媽媽並不會知道，因為媽媽不太有意識，估計只有聽覺同觸覺。問到可會為爸爸另覓地方安葬？他說：「算啦！排隊都排唔到我，有家姐又大佬，已成定局，外國人都唔信風水。」
談到岳華於加拿大離世，秋生表示於亞視電視跟對方曾合作過，大讚好人又沒有架子。（攝影：羅安強）