單文柔未慣做人妻 陳展鵬鼓勵做返自己最舒服

陳展鵬跟單文柔（Phoebe）日前舉行婚禮，邀請一眾親戚及部分好友出席。二人晚上於中環舉行結婚派對，邀請一眾台前幕後慶祝，包括麥明詩、馮盈盈、王君馨、張名雅、鄺潔楹、何雁詩、鄭俊弘、丁子朗等到賀。

一對新人約於晚上8時50分到步，陳展鵬拖著太太單文柔，笑容滿面地接受訪問。問到單文柔現稱陳太習不習慣？她說：「唔係好慣，好多人叫，OK，都開心嘅。（屋企互稱老公老婆？）都係叫返英文名多。」談到婚後轉變，她說：「暫時未覺得有轉變，自己有諗點去做一個人妻，要再努力啲照顧佢。」展鵬說：「人妻都係個叫法，做返自己最好最舒服。」問到陳展鵬太太廚藝如何？他笑說：「美女廚房試過啦，私下試過佢手勢，OK嘅。煲湯會多啲，我自己鍾意飲湯。」

展鵬坦言賓客均是透過經理人及其他藝人幫手轉發邀請，說：「之前擺酒係屋企人食飯，雙方家長亦想低調。今次大家唔需要咁拘束，可以盡興一啲。」不醉無歸？他笑說：「其實我都唔係咁飲得，如果真係要飲就試下，好耐無醉過。不過Phoebe聽日要開工，都要點到即止。」（攝影：朱偉彥）