新歌講追求青春 Nowhereboys嘆早已失去

男子組合Nowhereboys為新歌《大不了的一代》拍攝MV，歌曲講述追求青春，拍攝MV時他們自嘆早已失去青春，不過可以用心態去尋回。主音阿Van笑言是過去式的青春：「青春係一個狀態，唔關身體同年齡事，只要捉緊狀態就可以長生不老。」鍵琴手漁佬則覺得晏晝青春一陣，即係恰一恰，跟住夜晚又再青春一陣都得。

結他手阿Ken被眾人圍指是年紀最大一個，他不認同的說：「咁你哋又錯，其實最青春係我，成個MV只有我跑來跑去拍，佢哋只係坐喺度拍咋。」Ken又謂：「故事內容係講一個中年人不斷行來行去，去咗好多不同地方，係想搵一件兒時有意義嘅物件，因為太多回憶！希望尋回小時候嘅自己！所以今次MV特別邀請咗一位小朋友客串演出。」