汪圓圓唔知香港讀書咁緊張 汪詩詩湊老公辛苦變殘樣

汪詩詩、汪圓圓齊撐張玉珊出席慈善晚宴，圓圓一對孖仔已兩歲，開始上學前班；大女則讀K2班。圓圓笑說：「我唔係香港長大，唔知道香港讀書原來咁緊張，要周圍問朋友。」有指她可以問家姐詩詩取經，詩詩卻自爆：「唔記得晒啦！依家啲仔女都唔太理我，佢哋都有嘢忙，我又返工，都好少見。」
笑指她仍要湊「大BB」即丈夫甄子丹，詩詩笑說：「係啊！（辛苦？）梗係辛苦，你睇我幾殘。最近要電影宣傳，一齊工作好開心。」問到若二選一，她會選擇湊丈夫還是孩子？她說：「答案好簡單，但我唔會答。因為3個小朋友都已經識聽識睇。」（攝影：張家宜）