被貼與靚靚和解合照 張新悅自覺好慘：P圖P到我好膠

薛芷倫早前在社交網貼出與張新悅及袁詠儀（靚靚）的三人合照，並留言：「世紀合照，世紀大和解」；事緣21年前二人因合作電影《戇星先生》傳不和，當年張新悅被靚靚批評不專業。
張新悅出席活動時直言，與靚靚合作完第一部電影後再無見面，當日大家都有傾湊仔經，說：「不明點解要講恩怨，拍戲時有好多事發生，我都生了4個，很多事都已經忘記。靚靚是一個好爽的人，我們都是以母親身份傾湊仔經，無講其他事。（和靚靚交換電話？）無，不用交換了，現在的social media很方便，不會刻意去找。（薛芷倫想拉攏你們和解？）從來無需要拉，無需要做任何事，大家興之所致自拍而已，其實大會影了很多相，但她就選了這張，我覺得好慘，P圖P到我好膠，其實我皮膚好靚，現在未需要P圖，過多20年先啦。」（攝影：張家宜）