無品大叔新巴內食橙隨地扔果皮 車長回應投訴：無辦法係咁架啦

巴士上明文規定不準飲食，但近日一名大叔不單光明正大在車廂內食橙，更隨地亂丟果皮。有乘客發現後勸阻，但大叔耍手又擰頭，拒絕自行清理。該乘客事後將影片上傳網站，不少網民留言怒斥「無公德心」。

有網民在社交網站Facebook上傳一段影片，指昨日早上約9時乘搭新巴970線時，發現一名大叔在車廂內食橙，並將果皮扔在地上，「佢扔第一塊時我就開始影（右腳附近），其他皮放咗係佢右邊座椅，佢見扔一塊無人理，之後就扔晒落地下」。

根據影片可見，該名大叔剝開橙後，旁若無人地一片接一片地「食唔停口」，而當時車廂地面已經有一塊橙皮。大叔迅速食完後，趁無人發現時，將右邊座椅的果皮也扔到地上。此時樓主忍無可忍，出言指責對方，並要求對方執起果皮，大叔聞言望一望樓主又舉手示意，但始終無意清理果皮。

樓主表示，事後向車長投訴，惟對方無奈回應稱「無辦法，係咁架啦」，並著樓主將影片放上YouTube網站。

影片引發網民關注，不少人留言怒斥該大叔沒有公德心，「有好多人，沒有公德心，亂拋垃圾」、「無良乘客」、「好多人會做好多呢啲反社會嘅嘢，嚟表達自己對生命嘅不滿」，不過亦有人留言稱「 你咁多事，你不如幫佢執返啦」、「至少佢無吐核，以唐人標準，算唔錯」。