溫碧霞出席巴黎時裝周：欣賞靚嘢好滿足

溫碧霞（Irene）應品牌邀請出席巴黎時裝周，她穿上粉紅長裙，配搭毛毛背心，以淡雅亮麗Look欣賞時裝騷。心情靚靚的Irene稱：「巴黎人好有風度及禮貌，都會主動打招呼及合照一下留念，我好鍾意巴黎，無論當地人的待人接物或當地天氣、空氣、景色、食物、服裝我都好欣賞好啱我。」

品牌時裝騷於巴黎的郊區舉行，當地陽光普照，一片藍天，Irene心曠神怡大讚：「沿途坐車已經覺得好舒服，天氣十幾、二十度，清涼又乾爽，到達會場見到好有味道的佈置，再加上時裝騷的服飾又好靚，所以今日好享受好滿足，欣賞到太多靚嘢。」睇完騷後，Irene繼續留巴黎多兩天，接受巴黎的雜誌訪問及拍照，並順道拍攝寫真集，而回港落機當天，就要馬上趕車到內地演出，她笑笑說辛苦趕去工作都值得。