北區出旺角小巴坐地起價$200一位 網民怒轟趁火打劫

「山竹」襲港後本港路面交通受阻，其中往來九龍及新界區交通幾乎陷入癱瘓，大批打工仔逼爆港鐵站，亦有人寧願多付數百元附加費，選擇乘搭的士上班。不過，有市民發現，一輛由北區駛往旺角的小巴，索價每位200元，遭網民怒轟發災難財。

有網民在facebook專頁「NorthDistrict北區」上載照片，指一輛由北區前往旺角的紅色小巴，坐地起價，索價每位200元。不少人留言怒轟司機無良，留言稱「你哋成日講香港核心價值，嗱，呢種就係香港嘅核心價值喇，趁火打劫呀」、「十號風球加價就話搵命搏加價，加下風都打完唔係發死人財係乜香港人精神呀」、「風球都落咗，仲趁火打劫！200蚊1個人頭好過去搶！」、「痴線，200蚊我請日病假算」，不過亦有人認為「無人逼你哋坐架其實，唔想畀佢賺可以返去等東鐵接駁巴啦」。