風暴過後交通大亂 旅巴司機順風車載市民獲激讚

「山竹」吹襲本港造成廣泛破壞，今日本港交通大亂，港鐵東鐵線以及九巴今早只提供有限度服務，打工仔逼爆各東鐵站以及巴士站。有市民正為如何上班煩惱次際，一名旅遊巴司機突打開車門大叫「去九龍塘呀！快啲上車，唔收錢呀！」獲網民激讚有人情味。

該名乘客在Facebook發文，指今早在粉嶺未能乘港鐵及巴士出外，在行往粉嶺站時「駁一駁」，希望有接駁巴士，但結果並沒有，「諗住放棄自己嘅時候，有架旅遊巴舉住張臨時寫嘅A4紙寫住（九龍塘），並大嗌『去九龍塘呀！快啲上車，唔收錢呀！』」乘客再三問司機是否為港鐵接駁巴士，但司機表明不是，亦強調不收錢，「哎，唔收錢呀！快啲上車」

乘客指，知道司機是剛下班，「順風車載埋我哋，真係超級感動，望住師傅大哥背影，真係覺得好型好型，香港人仲有好多人情味，最後因馬料水個邊阻塞，去唔到九龍塘，要沙田落，但已好滿足」。