【男友幫拖】莊思明同馮盈盈粉絲「駁火」：預咗你哋只會盲撐　

前港姐冠軍馮盈盈在J2節目《#後生仔傾吓偈》發表「公廁論」，呻港姐嫁入豪門會被批評為「吊金龜、係雞係公廁」。身為2010年港姐季軍的莊思明受訪時直指馮盈盈用字太Cheap，提醒不要為出位而引用侮辱性字眼。

馮盈盈已解釋「公廁論」是為女性發聲，值得深究網民抨擊女性的言論是否太過火，獲好拍檔麥明詩力撐。網絡紅人瓊姐也在社交平台開Post講此熱話，引來不少馮盈盈粉絲留言狂鬧莊思明，莊思明加入罵戰，逐一反駁網民，表示：「我都係講自己感受啫，我都係人，我都有權表達意見，唔係我表達就有問題，其他人就無問題呀？佢（馮盈盈）嘅用詞唔係代表真誠，係粗鄙！如果粗鄙就係真誠咁我相信所有喜歡講粗口嘅人都非常真誠！」、「我係話字眼會畀人感覺cheap，我無話過佢cheap！」、「都預咗你哋只會盲撐！如果你覺得自己喺個鍵盤後面攻擊我會日子過得快樂啲咁隨便你！」

楊明亦有出面維護女友莊思明，自言睇到攻擊女友的留言令他感心痛，「佢只係回應咗記者嘅問題，發表自己嘅感受都要俾你哋鬧，但係節目中亂講嘢嗰個就反而無問題，我真係唔明網民係咩心態！希望大家就算唔認同都唔需要人身攻擊！」

與網民隔空對罵後，莊思明趁超強颱風「山竹」來襲前，飛抵家鄉吉隆坡，並在社交平台重申不畏懼網民，稱：「我做人從來都係對事不對人，但好明顯有人係對人不對事！不想再講因為無道理可言！」