陳柏宇高燒40度 大肚妻出動：帶條友仔去醫院

陳柏宇（Jason）自昨夜開始就在instagram貼上床上自拍照，留言：「應該係...病」，兩小時後就貼上電指探熱針顯示38.4度高溫，留言：「好野（嘢）！有得高！」，再5小後，他再上載額頭貼著散熱貼的臥床照，留言：「頭先係（喺）屋企探熱39.6。而家嚟到醫院探又得返37.8。」
網民紛紛留言叫他「保重」、「休息」，有笑言：「證明醫院啲冷氣真係凍」、「擺多陣都變屍體」，都有關心他懷孕8個月的太太符曉薇（Leanne）不要受感染「同陳太隔離一下」、「可能驚老婆辛苦，自動退燒」，不過Leanne沒隔離，還在ig story貼圖話：「夜晚晚燒到差不多40度，大肚婆帶條友仔去醫院」。