笑指若Bob出事會管理財產 張振朗密謀做女婿

林盛斌（Bob）、蕭正楠及張振朗到西貢拍攝《美女船P》，Bob早前順利進行通波仔手術，蕭正楠與張振朗笑言沒有阿Bob後，主持更順暢，亦不再嘈吵，相信網友未睇已經讚好。阿蕭又謂已與振朗分工，若阿Bob出事的話，自己負責管理他的財產，振朗則負責照顧Bob的老婆仔女，振朗聞言即謂想做阿Bob女婿，笑爆全場！

問到奉旨睇女會否擔心女友扭耳仔？阿蕭笑言沒有向黃翠如備案，皆因她拍劇忙得連他姓咩都忘了，名副其實冇「黃」管。振朗即避談緋聞女友胡定欣，只謂怕阿媽扭耳仔。