性教育等老公講解 陳慧琳自爆著長Tee短褲嚇到大仔掩眼驚叫

陳慧琳（Kelly）出席活動，表示原定今個中秋相約了幾個家庭一起露營，礙於近日天雨及登革熱問題被逼轉場，改為在家中客廳露營，並謂：「大仔去過露營，細仔沒有，只要把家中的Wifi關掉，貼個大月亮，就有露營賞月的感覺。」一對兒子已開學，Kelly稱要忙於幫兒子睇功課及與家長和師生溝通和互動。

談到謝安琪表示會向11歲的兒子灌輸性教育、且仍會一起沖涼，Kelly即說不會，並稱：「有時我在家著長tee恤短褲，大仔會掩眼大叫，叫到好驚好似要嚇死咁，我都要解釋我有著褲；所以不會跟他一起沖涼，何況他喜歡自己沖，連跟爸爸都不肯一起沖，不過他沖涼前又鍾意剝晒衫褲好似裸跑咁；細仔沖涼時就會陪著他傾偈。現在大仔9歲、細仔6歲，應對性方面未有好奇心，可能10歲開始會有，到時由老公向他們講解，男仔會清楚男仔，老公甚麼都會講，亦不怕會尷尬。」（攝影：譚志光）