被指極速換新歡 陳曉華澄清狄以達非第三者

出爐港姐冠軍陳曉華出席活動，有指她讀大學時換男友時間緊密，惹來前男友狄以達是第三者的疑雲，陳曉華對此笑說：「有睇到報道，都唔知係唔係我同學講，因為佢（狄以達）唔係第三者，係分開（同前度）咗先一齊，都有一段時間，但係記得唔清楚，因為都係上年嘅事。（狄以達恭喜你未？）你哋催促下，佢已經恭喜咗。」

另外，港姐三甲獲大會送后冠，她們都表示都會將首飾好好收藏，陳曉華稱會學其他師姐一樣，放后冠在銀行保險箱。同場的亞軍鄧卓殷自言第一次收到首飾，跟男友拍拖6年仍未收過首飾，「佢仲讀緊書，無收入嘛，返去會影相同佢分享下。」