薛家燕新歌MV預告受歡迎 為紅館騷練十字步2.0

薛家燕將於12月在紅館舉行《薛家燕愛你無限60年演唱會》，演唱會主題曲《Captain Nancy》的MV預告片一上線，即獲網民稱讚。家燕姐開心網民反應熱烈，「我完成演唱會記招當晚上網一看，嘩！原來有接近十幾萬人睇過！我也嚇了一跳！其實我有細閱大家給我的留言，很多人稱讚Captain Nancy這個MV似賀歲片，意指我們拍得有電影感。」

家燕姐訪問了負責為新歌作詞的C君，提及找C君合作是因為見到對方主持表現生鬼，最鍾意歌詞中有一句「靠我粒癦救地球」，C君即話：「我原先以為呢句要改，結果不用改，好好彩！」

在新歌MV中，家燕姐以女俠造型親身出動 「拯救地球」，邀請了鄭丹瑞、林敏驄、田啓文、邵音音、唐文龍、吳業坤等參與演出，家燕姐感謝好友相助：「他們每一個也説過來支持我，不論做咩角色都話冇問題，去到現場點化妝點玩都得！今次MV已經欠下不少人情數，都唔知點還畀大家。」

另外，家燕姐搵了黃國榮（Sunny Wong）當舞蹈總監，「十字步因《皆大歡喜》而為人熟識，跳咗廿幾年，今次紅館演唱會想加入新意，所以搵SUNNY WONG幫手，十字步2.0加入用手跳嘅元素，大家要睇多幾次學識點跳，到時全場萬人一齊跳個場面就好震撼喇。」